SÍA VÖRULISTA ÚTFRÁ EIGINLEIKUM

  • 2495.0 (4)
  • 495.0 (4)
  • 995.0 (3)
  • 1295.0 (1)
  • 1495.0 (1)
  • 1995.0 (1)
  • 2995.0 (1)
  • 3495.0 (1)
  • 95.0 (1)

Gamanmyndir

Útsala Entourage (Blu-ray)
    Blu-ray. Í myndinni heldur leikarinn Vincent Chase áfram að leita að leiðinni upp metorðastigann og er nú kominn til Los Angeles, dyggilega studdur af hinum sauðtryggu vinum sínum, þeim Eric, Turtle og Johnny ásamt ofurumboðsmanninum Ara Gold sem nú er orðinn kvikmyndaframleiðandi í Hollywood. Þessir kappar eru allir hver öðrum kostulegri og vilja allt fyrir Vincent gera. Þegar Ari býður Vince aðalhlutverkið í nýrri kvikmynd setur Vince það skilyrði að hann fái að leikstýra líka og tendrar þannig kostulega atburðarás eins og honum og félögunum er einum lagið að kalla fram ... Kvikmyndin er byggð á samnefndum sjónvarpsþáttum sem nutu mikilla vinsælda á árunum 2004-2011.
95 kr.
Bera Saman
Útsala War Dogs (Blu-ray)
    Blu-ray útgáfa. War Dogs er byggð á sannri sögu þeirra Davids Packouz og Efraims Diveroli sem árið 2007 lönduðu 300 milljón dollara vopnasölusamningi við bandaríska varnarmálaráðuneytið þrátt fyrir að vera aðeins rúmlega tvítugir að aldri.
495 kr.
Bera Saman
Útsala Arthur (Blu-ray)
    Arthur Bach hefur aldrei tekið sjálfstæða ákvörðun á ævi sinni. Fóstran hans, Hobson, sér yfirleitt um það ef móðir hans er ekki búin að því fyrir. Ekki að hann þurfi þess. Hans bíður að erfa fyrirtæki fjölskyldunnar og þar með milljarða, giftast hinni metnaðarfullu viðskiptakonu Susan Johnson og lifa hamingjusamlega upp frá því á peningum sem ákvarðanir annarra skaffa honum. Þangað til þarf hann bara að eyða vasapeningunum, halda áfram að heilla kvenfólk upp úr skónum og treysta á að Hobson haldi honum frá vandræðum, eins og venjulega. Vandamálið er bara að hann langar ekkert að giftast Susan Johnson. Hann er skotinn í Naomi Quinn, leiðsögumanni sem fangað hefur hug hans og hjarta. Móðir hans hatar hana hinsvegar og hótar að gera hann arflausan ef Susan verður ekki fyrir valinu. I nnblásinn af anda Naomi og studdur af hinni tryggu Hobson leggur Arthur allt undir í stærsta veðmáli lífs síns og veðjar á ástina. Þá er bara að fá sér vinnu. Bíddu vó, vinnu?
495 kr.
Bera Saman
Útsala Men in Black 2

Men in Black 2

BLRMENINBLAC2
495 kr.
Bera Saman
Útsala Intern 2015 (blu-ray)
    Ben Whittaker er 70 ára gamall ekkill, og lífið eftir að hann hætti að vinna og missti eiginkonuna er ekki eins og hann hefði óskað að það væri. Ekkert virðist fylla upp í tómið, þannig að Ben, sem ávallt var snjall í viðskiptum, ákveður að koma aftur inn á markaðinn sem lærlingur. Hann kemur til starfa í fyrirtæki Jules Ostin, sem Anne Hathaway leikur, en fyrirtækið, sem er vefsíða um tísku, hefur vaxið hratt á tveimur árum og nú starfa þar um 200 manns. Í fyrstu virðist sem Ben passi illa inn í þetta nútímalega tískufyrirtæki, en hann vingast þó fljótt við Jules og samskipti hans við aðra starfsmenn verða sömuleiðis áhugaverð og skemmtileg.
495 kr.
Bera Saman
Útsala Anchorman 2 (Blu-ray)
    Fréttahaukurinn Ron Burgundy sem þráir ekkert heitar en frægð, frama og flotta hárgreiðslu er mættur á svæðið aftur og nú á aldeilis að taka hlutina með trompi. Kvikmyndin Anchorman: The Legend of Ron Burgundy sem var frumsýnd sumarið 2004 er án nokkurs vafa ein alskemmtilegasta gamanmynd síðari ára. Í henni fóru Will Ferrell og félagar á algjörum kostum í óhefluðu gríni þar sem heimskan fékk að flæða í stríðum straumum þannig að úr varð stanslaus hláturveisla fyrir áhorfendur. Síðan eru liðin níu ár og þótt Ron Burgundy hafi ekki þroskast mikið vitsmunalega er hann reynslunni ríkari, eða ætti a.m.k. að vera það. Það er sennilega ástæðan fyrir því að honum er boðið að gerast fréttaþulur á glænýrri sjónvarpsstöð, GNN, sem jafnframt er fyrsta fréttastöðin sem sendir út 24 klukkutíma á sólarhring. Ron ákveður auðvitað að þekkjast boðið og heldur til New York ásamt veðurfræðingnum vitlausa, Brick, söguskoðaranum Brian og íþróttafréttamanninum Champ Kind. Og auðvitað er eiginkonan, Veronica Corningstone, ekki langt undan
995 kr.
Bera Saman
Útsala Night at the Museum 3 (Blu-ray)
    Night at the Museum: Secret of the Tomb. Í þetta sinn uppgötvar Larry að töfrarnir sem hafa valdið því að persónurnar og dýrin lifnuðu við á næturnar eru að eyðast og hverfa og að mjög takmarkaður tími er til stefnu. Larry ákveður að reyna að bjarga málunum og til að geta gert það verða hann og nokkrir félagar hans úr safninu að ferðast til London. Það ferðalag á síðan eftir að verða viðburðaríkt með afbrigðum, fyndið og skemmtilegt en líka hættulegt á köflum.
995 kr.
Bera Saman
Útsala Ghostbusters (Blu ray)
    Þegar draugaplága byrjar að gera Manhattan-búum lífið leitt kemur það í hlut rithöfundanna Erinar og Abby að bregðast við og það fyrsta sem þær gera er að fá í lið með sér neðanjarðarjárnbrautarvörðinn Patty og kjarneðlisfræðinginn Jillian. Þær eiga í höggi við hinn illa púka Rowan sem fer m.a. létt með að yfirtaka líkama fólks sem lætur ekki að hans vilja. Framundan er barátta sem er engri annarri lík og þótt þær Patty, Abby, Erin og Jillian hafi aldrei barist við drauga áður, hvað þá púka eins og Rowan, mæta þær ofureflinu algjörlega óhræddar
995 kr.
Bera Saman
Útsala No Strings Attached (Blu-ray)
    Myndin segir frá vinunum Adam og Emmu sem hafa þekkst um árabil. Adam er ólæknandi kvennabósi sem skiptir nánast jafn oft um bólfélaga og nærbuxur. Emma er ungur læknir sem vinnur 80 tíma á viku og á engan kærasta vegna þess að hún hefur einfaldlega ekki tíma eða áhuga á því. Eitt kvöldið, þegar þau eru að tala saman, leiðir eitt af öðru og þau enda á því að sofa saman. Í framhaldinu komast þau að því að þau eru fullkomnir bólfélagar fyrir hvort annað, af því að Emma hefur engan tíma fyrir kærasta en mikla löngun í kynlíf, og Adam hefur jafnmikla löngun í kynlíf en enga löngun í kærustu. Í fyrstu gengur afar vel að halda þessu sambandi algerlega á „líkamlegum“ forsendum, en ekki líður á löngu þar til tilfinningar sem hvorugt þeirra hefur upplifað áður fara að láta á sér kræla, en það getur flækt málin svo mikið að vinátta þeirra, sem hefur alltaf verið mjög sterk, er í hættu.
1.295 kr.
Bera Saman
Útsala Bad Grandpa (Blu-ray)
    Johnny Knoxville, Jackass-maður númer eitt, leikur hinn 86 ára gamla Irving Zisman sem tekur að sér að koma átta ára sonarsyni sínum Billy (Jackson Nicoll) til föður síns sem býr í öðru fylki. Þeir kumpánar leggja í hann og á leiðinni veldur sá gamli ýmsum óskunda sem er sennilega ekki til eftirbreytni fyrir ungdóminn en stórskemmtilegur fyrir áhorfendur enda ganga flest uppátækin út á að koma grunlausum samborgurum á óvart og hneyksla þá í mörgum tilfellum upp úr skónum. Parið hittir karlkyns nektardansara, úrilla keppendur í barna fegurðarsamkeppnum, syrgjendur í jarðarför, og fullt af öðru fólki sem veit ekki hvaðan á sig stendur veðrið þegar þeir langfeðgar mæta á svæðið
1.495 kr.
Bera Saman
Útsala Ghostbusters 1 og 2 (Blu-ray)

    Ghostbuster 1 og 2 saman í pakka á Blu-ray. Enskur texti

1.995 kr.
Bera Saman
Útsala Daddy's Home 2 (Blu-ray)
    Þeir Dusty og Brad hafa ákveðið að taka höndum saman um að halda hin fullkomnu jól fyrir börnin.
2.495 kr.
Bera Saman
Útsala Gamlinginn 2 (Blu-ray)

    Ný mynd um hinn kostulega gamlingja Allan Karlsson sem nú er orðinn hundrað og eins árs, langt frá því að vera af baki dottinn og stingur á ný af frá öllu saman í leit að uppskriftinni að besta gosdrykk sem fundinn hefur verið upp. Vandamálið er að þeir eru fleiri sem vilja gjarnan klófesta uppskriftina. Segja má að sagan hefjist þar sem þeirri fyrri lauk en Allan, sem nú er orðinn 101 árs, ákveður nú að taka annan túr um Evrópu í því skyni að finna löngu glataða uppskrift af gosdrykk sem er svo góður að allir sem hann smakka vilja engan annan gosdrykk eftir það. Á ferðalaginu kemur sá gamli sem fyrr víða við og inn í söguna blandast bæði þekktir og óþekktir einstaklingar ásamt erindrekum ýmissa stjórnvalda sem eru líka á höttunum eftir uppskriftinni.

2.495 kr.
Bera Saman
Útsala Zootropolis Blu-Ray

Zootropolis Blu-Ray

BLRZOOTROPOLI
    Aðalpersónur myndarinnar eru tvær, annars vegar löggukanínan Judy og hins vegar svali rebbinn Nick sem er þekktur fyrir að vera ekki alltaf alveg réttum megin við lögin og er nokkuð hrekkjóttur í þokkabót. Þegar Nick er ranglega sakaður um alvarlegt afbrot kemur það í hlut Judyar að hafa hendur í skotti hans. Það reynist ekki auðvelt enda er Nick háll sem áll og á auðvelt með að láta sig hverfa. Málin taka hins vegar nýja stefnu þegar Nick og Judy flækjast bæði inn í sama samsærið og neyðast til að snúa bökum saman til að endurheimta heiður sinn og orðspor.
2.495 kr.
Bera Saman
Útsala Monster Trucks Blu-ray.

    Tripp er ungur bílaáhugamaður sem um nokkurt skeið hefur látið sig dreyma um að komast frá smábænum sem hann ólst upp í og út í heim að freista gæfunnar. Til að gera drauminn að veruleika þarf hann á keppnisbíl að halda en þar sem peningarnir eru af skornum skammti leggur hann út í að smíða bílinn sjálfur. Þegar slys verður í olíuborholu í grennd við bæinn leiðir það til þess að einhverju ókennilegu dýri úr iðrum jarðar skýtur upp á yfirborðið. Áður en hægt er að handsama það leggur það á flótta og felur sig síðan beint fyrir utan þar sem Tripp er að smíða bílinn. Þannig vill það til að Tripp og skrímslið, sem heitir reyndar Creech, hittast í fyrsta sinn og þegar í ljós kemur að Creech er áhugadýr um kraftmikla bíla tekur atburðarásin enn skemmtilegri stefnu.

2.495 kr.
Bera Saman
Útsala Zoolander 2 (2016) blu ray
    Það eru liðin fimmtán ár frá því að fyrirsæturnar Derek og Hansel voru upp á sitt besta í bransanum enda hefur eftirspurn eftir kröftum þeirra farið síminnkandi með hverju árinu um leið og aðrir hafa tekið við keflinu. Þetta hefur að sjálfsögðu verið dapurleg þróun en þegar alríkislögreglukonan Valentina biður þá félaga að aðstoða sig við að hafa uppi á morðingja sem hefur að undanförnu verið að kála þekktu tónlistarfólki fá þeir a.m.k. eitthvað að gera. Á sama tíma sleppur hinn öskureiði og ofsafengni Jacobim Mugatu úr fangelsi, ákveðinn í að hafa uppi á Derek sem eyðilagði líf hans í fyrri myndinni, algjörlega staðráðinn í að senda hann yfir móðuna miklu í eitt skipti fyrir öll – hvað sem það kann að kosta ...
2.995 kr.
Bera Saman
Útsala Zootropolis Blu-Ray 3D
    Aðalpersónur myndarinnar eru tvær, annars vegar löggukanínan Judy og hins vegar svali rebbinn Nick sem er þekktur fyrir að vera ekki alltaf alveg réttum megin við lögin og er nokkuð hrekkjóttur í þokkabót. Þegar Nick er ranglega sakaður um alvarlegt afbrot kemur það í hlut Judyar að hafa hendur í skotti hans. Það reynist ekki auðvelt enda er Nick háll sem áll og á auðvelt með að láta sig hverfa. Málin taka hins vegar nýja stefnu þegar Nick og Judy flækjast bæði inn í sama samsærið og neyðast til að snúa bökum saman til að endurheimta heiður sinn og orðspor.
3.495 kr.
Bera Saman