Styrktarsjóður ELKO

ELKO styrkir 2x verkefni á ári sem tengjast velferð barna og ungmenna þó að jafnaði ekki málefnum sem tengjast íþróttafélögum.
Raftæki, búnaður eða styrkir sem efla menntun, nýsköpun eða annað sem nýtist til betra lífs fyrir ungt fólk, fellur vel til styrkja.
Vegna fjölda eftirspurna eftir styrkjum, ekki síst frá starfsmannafélögum og félagasamtökum sem við viljum ekki gera upp á milli, þá höldum við okkur að mestu við fyrrnefnda málaflokka.

Umsóknir um styrki, með greinargerð um málefnið sem óskað er stuðning við, skulu sendar á styrkur@elko.is.

Veitt er úr sjóðnum tvisvar á ári, á sumardaginn fyrsta og fyrsta vetrardag.

Fyrri úthlutun ársins 2016 var veitt á sumardaginn fyrsta, 21.apríl 2016. Að þessu sinni var styrkur veittur til Nýsköpunarkeppni Grunnskólanna en ELKO styrkti unga og efnilega nemendur með vinningum sem henta í nýsköpun og tækni.
Seinni úthlutun var fyrsta vetrardag, 22.október 2016. Að þessu sinni var styrkur veittur til nokkurra málefna er varða velferð barna og ungmenna annars vegar og hins vegar til Team Spark liðs Háskóla Íslands en það lið tekur þátt í keppninni Formula student sem haldin er hvert sumar um allan heim. Keppnin gengur út á að háskólalið frá öllum heimshornum hannar og smíðar frá grunni eins manns kappakstursbíl, sem að lokum keppir í umræddri hönnunar- og kappaksturskeppni. Með þessu fellur málefnið vel til styrkja þar sem nýsköpun hjá ungu fólki kemur við sögu.

Næsta úthlutun eftir það er sumardaginn fyrsta, 20. apríl 2017 og umsóknarfrestur til að sækja í þann sjóð er til 1.mars 2017. Haft verður samband við þá sem hljóta styrki og tilkynnt hér á síðunni.