Wasgij Destiny 13 - Umferðaröngþveiti

Hér gefur á að líta umferðaröngþveiti á tímum gufulesta. Varla myndum við kalla þetta öngþveiti í dag miðað við það sem við eigum að venjast úr hraða og stressi nútímans. Þarna er fólk að spjalla í rólegheitunum og engin að stressa sig, enda lítil ástæða til í þessum fallega smábæ. En hvernig lítur umferðaröngþveitið út á sama stað 60 árum síðar, með allri þeirri flóru ferðatækja sem nútíminn býður upp á, umferðarljósum og reglum? Er það eins afslappað og í gamla daga eða gerbreytt? Það er þitt verkefni að komast að því… Stórskemmtilegt og óhefðbundið 1000 bita púsluspil frá Jumbo. Kassinn sýnir ekki lokaútkomu heldur það sem gerist í framtíðinni. Sá sem púslar þarf því að spá fyrir um framtíð persónanna framan á kassanum. Ögrunin felst í því að lokaútkoman er í raun ekki sú sama og myndin utaná kassanum sýnir en tengist henni samt. Wasgij púslin eru geysivinsæl um heim allan og skyldueign á heimili metnaðarfullra púslara!