Stór heimilistæki

Heimilistæki

Hljóð og mynd

Símar og úr

Tölvur

Gaming

Snyrting og heilsa

Snjallheimili

Áhugamál og farartæki

Unaðsvörur

InnskráningKarfaUpplýsingarÓskalisti

Ábyrgð

Á þessari síðu finnur þú allar helstu upplýsingar varðandi ábyrgð á raftækjum úr ELKO. Mundu að þú getur fundið allar kaupnóturnar þínar á mínum síðum www.elko.is/minar

Ábyrgðarskilmálar

Ábyrgð vegna galla er í samræmi við lög um neytendakaup (lög nr.48/2003) og lög um lausafjárkaup (lög nr.50/2000).
(nema annað sé tilgreint)

Gildir fyrir allar vörur (sjá takmarkanir)

  • Ábyrgðarskírteini eða kaupnóta skilyrði (sjá elko.is/minar)

  • Lítil raftæki sem eru talin gölluð á að framvísa á þjónustuborði verslana ELKO

  • Stór raftæki sem eru talin gölluð þarf að tilkynna ELKO áður en tækin eru flutt úr stað 

  • Í sumum tilfellum getur ELKO vísað kaupanda beint á umboðsaðila á Íslandi sem tekur í öllum tilfellum styttri tíma

  • ELKO áskilur sér rétt til að sannreyna galla innan eðlilegra tímamarka

  • Ef raftæki reynist ekki gallað eftir athugun eða ekki er um að ræða ábyrgðarviðgerð greiðir kaupandi skoðunargjald í samræmi við verðskrá viðkomandi verkstæðis og/eða flutning ef við á.

  • Ef til úrlausnar ábyrgðar kemur mun ELKO bjóða eftir atvikum viðskiptavini upp á viðgerð, nýja vöru, afslátt eða afturköllun kaupa.

  • Í öllum tilvikum er fyrst kannaður möguleiki á viðgerð

Takmarkanir:

  • Ef um ræðir sölu til fyrirtækis þá er ábyrgð á galla 1 ár. Sjá nánar lið 12 í skilmálum hér: https://elko.is/skilmalar

  • Gildir ekki um eðlilegt slit vegna notkunar

  • Gildir ekki ef tækið hefur verið opnað eða átt við það nema ELKO hafi yfirumsjón með eða hafi samþykkt verkið

  • Gildir ekki ef rekja má bilun til illrar eða rangrar meðferðar

  • Gildir ekki um rafhlöður. Rafhlöður eru rekstrarvara og eðlilegt getur verið að þurfi að endurnýja fyrir lok vélbúnaðarábyrgðar. Framleiðendur veita þó að lágmarki 6 mánaða ábyrgð.

Ef vara er keypt í ELKO á Keflavíkurflugvelli

  • Öll eftirkaupaþjónusta fer fram í verslunum ELKO á höfuðborgarsvæðinu

  • Takmarkanir og reglur falla undir hefðbundna ábyrgðarskilmála ELKO

  • Ábyrgðarskírteini eða tilvísun í kaupnótu skilyrði

  • Ef kaupnóta er ekki fyrir hendi er hægt að senda nafn, dagsetningu kaupdag, greiðslumáta, upplýsingar um vöru á flugstod@elko.is til að athuga með úrlausn málsins

  • Ef umboðsaðili er á Íslandi er í mörgum tilfellum hægt að leita úrlausnar og eftirkaupaþjónustu þar

  • Ef vara er eingöngu til í fríhöfn getur ferlið tafist um 3-5 virka daga. Þó er markmiðið ávallt að klára málin í þeirri verslun sem leitað er til eins fljótt og auðið er

Verkstæði og viðgerðir

GILDIR FYRIR ALLAR VÖRUR

  • Meðalviðgerðartími á Íslandi er 10‐15 virkir dagar. Viðgerð getur tekið allt að 20+ virka daga

  • Viðgerð getur tekið lengri tíma í einstaka tilvikum en það er háð breytilegum forsendum hverju sinni. Ýmsar aðstæður geta komið upp í viðgerðarferlinu sem lengir áætlaðan tíma t.a.m. ef panta þarf varahluti, viðgerð reynist umsvifameiri en áætlað var og/eða mikið álag er á verkstæði. Ef slíkt kemur upp biður ELKO kaupanda um að sýna biðlund á meðan málið er í ferli.

  • Ekki er hægt að kanna stöðu á viðgerð þegar vara var sett í viðgerð innan 2 vikna.

  • Til að stytta viðgerðartíma er kaupanda bent á að sumar vörur getur kaupandi farið með beint á verkstæði og því stytt viðgerðartímann um allt að 2‐4 daga. Framvísa þarf kaupnótu ef viðskiptavinur fer sjálfur á verkstæði með vöru.

  • ELKO sendir allar vörur á viðurkennd verkstæði

  • ELKO tekur ekki ábyrgð á gögnum tækisins sem eru á geymslueiningum s.s. á Flash minni eða hörðum diski

  • Tækniþjónusta ELKO getur í sumum tilfellum tekið öryggisafrit af gögnum gegn vægu gjaldi. Ekki er hægt að ábyrgjast öryggisafrit vegna utanaðkomandi þátta s.s. vírusa, bilana o.s.frv.

  • Þegar viðgerð er lokið er hringt í kaupanda eða sent sms og tilkynnt að varan sé tilbúin

  • Framvísa þarf verkbeiðni við afhendingu tækis

  • Allar fyrirspurnir varðandi vörur í viðgerð skulu berast á tölvupósti í viðkomandi verslun:

ELKO Lindir þjónustuborð: lindirthjonusta@elko.is
ELKO Skeifan þjónustuborð: skeifanthjonusta@elko.is
ELKO Grandi þjónustuborð: grandithjonusta@elko.is
ELKO Akureyri þjónustuborð: akureyrithjonusta@elko.is

SKOÐUNARGJALD

Ef skoðun á tækinu leiðir í ljós að bilun sé ekki rakin til framleiðslugalla fellur skoðunargjald á eiganda tækisins í takt við verðskrá verkstæðis 

Vörur keyptar í verslunum Elkjop Noregi eða Elgiganten DK/SE 

ELKO reynir eftir fremsta megni að bjóða upp á fulla eftirkaupaþjónstu á vörum sem keyptar eru í verslunum Elkjop Noregi, Elgiganten DK/SE eða Gigantti Finlandi. ELKO er hinsvegar ekki ábyrgðaraðili á þessum vörum og þess vegna gæti eftirkaupaþjónusta í sumum tilfellum ekki verið í boði á Íslandi. Ef þú ert með vöru keypta í þessum verslunum og þarft á eftirkaupaþjónustu að halda, s.s. ábyrgðarmál eða viðgerð, sendu þá fyrirspurn til okkar í gegnum elko@elko.is og við munum þá skoða í kjölfarið hvort eftirkaupaþjónusta sé í boði á Íslandi og senda svar hið fyrsta. Framvísa þarf ábyrgðarskirteini.

Samanburður