SmartThings Hub tengistöðin einfaldar að stjórna öðrum SmartThings snjalltækjum. Hægt er að tengja stöðina við netbeini (router) til að stjórna skynjurum, öryggismyndavélum, ljósum o.fl.

Stillingar
Þú getur búið til stillingar (scene) til að stjórna snjalltækjum og ákveða hvað þau eiga að gera hverju sinni. Með einni skipan er t.d. hægt að dimma ljósin, hækka hitastigið og kveikja á tónlist, eða nota aðra stillingu (scene) til þess að læsa dyrunum og kveikja á öryggismyndavélunum. Einnig er hægt að vera með morgunstillingu (scene) þar sem gluggatjöldin eru dregin frá og hressandi tónlist er spiluð til að vakna. Möguleikarnir eru endalausir!

Tengimöguleikar
Tengistöðin getur stjórnað mörgum SmartThings snjalltækjum í gegnum Bluetooth, ZigBee 3.0, Z-Wave og Cloud-to-Cloud þráðlausri tengingu og einnig LAN snúru. 

Snjallsímaforrit
Það eina sem þarf til að nýta tengistöðina að fullu er SmartThings snjallsímaforritið sem er samhæft iPhone og Android.

Raddstýring
Tengistöðin er samhæf Amazon Alexa og Google Home sem gerir þér kleift að nota röddina til að gefa skipanir í stað þess að þurfa að taka upp símann.

Tengistöðin er tengd í rafmagn og tengist beint við WiFi eða LAN snúru.