Hvernig væri að eiga góðan hárdag – alla daga?
Skrifað 30. nóvember 2022
Theodóra Mjöll S. Jack er hárgreiðslukona og vöruhönnuður frá Listaháskóla Íslands. Hún hefur unnið sem hárgreiðslukona í nítján ár og gefið út þrjár bækur um hár undir sínu eigin nafni og aðrar fimm bækur í samstarfi við Disney-samsteypuna ásamt því að hafa unnið fyrir öll helstu tískutímarit heims. Árið 2021 stofnaði hún svo sitt eigið hárvörumerki sem ber heitið THEA sem er í stöðugri vöruþróun. Við fengum Theodóru til þess að fara yfir nokkrar hárvörur úr vöruvali okkar, sem gætu auðveldað hárformun um jólin.
Hvernig hugum við vel að hárinu?
„Það sem þarf fyrst og fremst að hafa í huga eru réttu hárvörurnar fyrir þína hárgerð. Hárið á okkur breytist með tímanum, með mismunandi litunum og klippingum og árstíðum og svo má áfram telja. Það er mjög gott að fá ráðleggingar frá hárgreiðsluaðila þínum um hvernig vörur þú ættir að nota miðað við þína hárgerð. En það er eitt sem allar hárgerðir eiga sameiginlegt og það er að hárið getur skemmst ef mikill hiti er notaður á það í langan tíma án þess að nota hitavörn. Til að koma í veg fyrir að hárið skemmist vegna hita frá raftækjum (krullujárni, sléttujárni, blásara, blástursbursta o.fl.) er best að setja alltaf hitavörn í hárið, og þá í blautt hárið eftir að það er þvegið. Í sumum tilfellum er gott að bæta í og setja einnig hitavörn í þurrt hárið áður en slík tæki eru notuð.“
Hvað er efst á óskalistanum fyrir jólin?
„Það sem er efst á óskalista mínum í ár er nýtt Apple Watch snjallúr, series 8. Ég nota mikið snjallúr og finnst gott að geta fylgst betur með heilsunni með hjálp úrsins. Annars er ég mjög veik fyrir góðum nuddtækjum og er Beurer herða- og axlanuddtækið ofarlega á óskalistanum. Þar sem ég bý miðsvæðis í Reykjavík þá verð ég að setja rafmagnshlaupahjól á óskalistann, en það myndi gera mér lífið mun auðveldara ef ég ætti eitt slíkt.“
Hvaða hártæki rata á óskalista þinn í ár?
„Þau hártæki sem mér finnst mest spennandi eru Dyson Airwrap hármótunartækið, Dyson Supersonic hárblásarinn, Revlon-hárburstinn, Babyliss-bylgjujárnið og Remington- hárblásararnir. Babyliss Air Styler blástursburstinn finnst mér einnig mjög spennandi og fer hann einnig á óskalistann. “
