Snjallsíminn er jólagjöf ársins 2026

Jólakönnun ELKO 2026

Niðurstöður árlegrar jólakönnunar ELKO fyrir árið 2026 liggja nú fyrir og samkvæmt þeim er snjallsíminn jólagjöf ársins 2026. Hamborgarhryggurinn, Home Alone og gervijólatréð halda velli sem fastir liðir jólanna og miðgildi skógjafar er 1.000 kr. samkvæmt svarendum. Alls svöruðu 3.257 manns könnuninni, sem send var á póstlista ELKO og stóð frá 24. október til 3. nóvember.

Jólagjöf ársins 2026 á minnisblaði: snjallsími efstur með 10,9%, svo snjallúr, heyrnartól, ryksuga og Ninja CREAMi ísvél

Þegar spurt var opið „Hver er jólagjöf ársins í ár?“ nefndu 10,9% snjallsíma, tvöfalt fleiri en nefndu næstu gjöf á listanum. Snjallsíminn endurheimtir því toppsætið eftir að Ninja CREAMi hirti það í fyrra. Ísvélin vinsæla fer þó ekki neðar en í 5. sæti, þrátt fyrir að vera til á um 19% heimila svarenda. Fyrir ofan hana eru aðrir fastagestir listans: snjallúr, heyrnartól og ryksugur.

Par við jólatré gleðst yfir Ninja CREAMi ísvél í jólagjöf

Hörð keppni um næstu sæti

Næst á eftir símanum koma snjallúr (5,2%), heyrnartól (4,3%), ryksugur (3,8%) og Ninja CREAMi ísvélin (3,7%). Nærri helmingur þeirra sem nefndu síma (48%) nefndi iPhone sérstaklega, en Apple er það vörumerki sem flestir tengja við jólagjöf ársins (28,8%). Þar á eftir koma Samsung (26,8%) og Ninja (20,1%).

Topp 20 listi yfir jólagjöf ársins 2026, frá snjallsíma (10,9%) til myndavélar og skyndimyndavélar (1,4%)

Það voru þó ekki bara tæki og tól sem komust á listann að þessu sinni. Samvera, ást og friður er í 6. sæti (3,2%) og gjafabréf og upplifanir komust einnig á topp 20.

Jólagjöf ársins eftir aldurshópum: snjallsími í 1. sæti hjá öllum, leikjatölva, heyrnartól, snjallúr og kaffivél í næstu sætum

Nóvember er jólagjafamánuðurinn

42% svarenda ætla að byrja jólagjafainnkaupin í nóvember og 57% segja mjög líklegt að þau kaupi jólagjafir á afsláttardögunum: Degi einhleypra, Svörtum föstudegi og Stafrænum mánudegi. Aðeins 1% skilur innkaupin eftir til Þorláksmessu, en 9% eru með augun opin fyrir jólagjöfum allan ársins hring.

Súlurit yfir hvenær fólk byrjar að kaupa jólagjafir: flestir í nóvember (42,2%), svo desember 17,9% og október 17,5%

Flestir (69%) ætla að verja svipaðri upphæð í jólagjafir og í fyrra, 16% minna og 15% meira. Yngstu svarendurnir virðast þó gjafmildastir: í hópnum 18–24 ára ætla 22% að eyða meira en í fyrra og aðeins 11% minna. Hjá 25–34 ára er þessu öfugt farið, þar ætla fleiri að eyða minna (25%) en meira (17%).

Hlutfall sem ætlar að eyða meira eða minna í jólagjafir en í fyrra, eftir aldri og kyni

Innkaupalistinn er langur hjá mörgum, en 45% gera ráð fyrir að kaupa fleiri en tíu jólagjafir fyrir þessi jól, sem er sambærilegt við niðurstöður síðustu ára. Jólagjafahandbók ELKO er áfram föst hefð: 97% ætla að fletta henni og helmingur les hana eingöngu rafrænt.

Eins náttföt, gervitré og 1.000 króna skógjöf

Um fimmtungur svarenda (19,6%) segir alla á heimilinu eiga eins jólanáttföt og 8,4% til viðbótar ætla að bæta úr því fyrir jólin.

Jólatré úr punktum sem sýnir að 68% eru með gervitré, 22% alvörutré, 2% bæði og 7% ekkert tré

Skógjöfin: Helmingur svarenda telur að skógjöf frá jólasveininum megi kosta um 1.000 krónur. Kertasníkir hugsar þó líka til fullorðna fólksins, því um 22% svarenda fá í skóinn á aðfangadag og 18% segja að það komi í ljós.
Jólatréð: 68% svarenda eru með gervitré en 22% með alvöru tré. 7% setja ekki upp jólatré.
Gjöf handa sjálfum sér: 32% kaupa jólagjöf handa sjálfum sér og 9% pakka henni meira að segja inn og setja undir tréð.
Skilin: 74% hafa einhvern tímann þurft að skila jólagjöf. Hjá ELKO má skila og skipta jólagjöfum til 31. janúar 2027.
LEGO: 92% segja að LEGO sé líka fyrir fullorðna, 42% ætla að gefa LEGO í ár og 31% segja kannski. ELKO hóf sölu á LEGO í fyrra og fæst það nú í nær öllum verslunum ELKO. Allt úrvalið má skoða á elko.is.
Spil: 62% ætla að kaupa nýtt spil fyrir jólin, til eigin nota eða til að gefa.
Jóladagatal: 35% ætla að kaupa sér jóladagatal. Súkkulaðidagatalið er langvinsælast en snyrtivöru-, unaðs- og kaffidagatöl koma þar á eftir.

Jólin í tölum: 62% ætla að kaupa nýtt spil, miðgildi skógjafar 1.000 kr., 74% hafa skilað jólagjöf, 42% ætla að gefa LEGO og 32% kaupa gjöf handa sér

Hamborgarhryggur og Home Alone

Hamborgarhryggurinn er á borðum 42% svarenda á aðfangadag. Næst koma lambakjöt (9%), kalkúnn (8%) og rjúpa (5%). Home Alone er uppáhaldsjólamyndin (21%) og þar á eftir kemur Christmas Vacation (12%). The Grinch, Die Hard og The Holiday eru svo nánast hnífjafnar, hver með um 9%.

Vinsælustu jólamyndirnar 2026: Home Alone 21%, Christmas Vacation 12%, The Grinch, Die Hard og The Holiday 9%

„Síminn er orðinn þungamiðjan í daglegu lífi fólks“

Síminn er sú vara sem fólk notar mest á hverjum degi og það kemur okkur ekki á óvart að hann tróni á toppnum í ár. Það sem gleður okkur líka er hversu fjölbreyttar óskirnar eru, en þær spanna allt frá ísvélum, heilsu- og snyrtivörum og ryksuguvélmennum upp í samveru og upplifanir. Það er góð áminning um að jólin snúast um samveru og góðar stundir en ekki bara gjafirnar.

Við hjá ELKO höfum unnið af miklu kappi með birgjunum okkar við undirbúning jólanna og því ættu viðskiptavinir að geta fundið ótal vinsælar jólagjafir fyrir alla fjölskylduna allt til jóla.

Um könnunina

Jólakönnun ELKO var opin netkönnun sem stóð yfir frá 24. október til 3. nóvember 2026. Alls svöruðu 3.257 manns. Hlutföll miðast við þá sem svöruðu hverri spurningu og opin svör voru flokkuð eftir efni. Könnunin byggir ekki á slembiúrtaki.

Deila