Myndataka á næturnar

Myndataka við léleg birtuskilyrði

Að taka myndir á kvöldin eða á næturnar getur verið krefjandi. Þú færð bestu niðurstöðuna með víðlinsu og smá leikfimi í stillingum. Þrífótur veitir stöðuleika sem þú þarft til að taka myndir með mjög hægum lokarahraða (e. shutter speed). Í þessari grein færðu ráð og ábendingar um réttan búnað til að taka myndir í lélegum birtuskilyrðum.

Búnaður og aukahlutir

Myndavélin

Ekki eru allar myndavélar hentugar fyrir ljósmyndun á kvöld eða til notkunar í lélegum birtuskilyrðum. Lágmarkskröfurnar fyrir þessa tegund af ljósmyndun er að myndavélin hafi handvirka stillingu og meiri hraða ljósopsloka en 30 sekúndur.

Linsan

Allar linsur geta tekið myndir í myrkri, en sumar er mun betri en aðrar. Linsur með stærra ljósop geta veitt nægilegt ljós fyrir myndatöku í myrkrinu. Ef þú ert t.d. með 35mm f/1.8 linsu er stærsta ljósopið f/1.8 og linsa eins og 18-55mm f/3.5-5.6 breytir ljósopi frá 3.5-5.6 eftir brennivíddinni. Lærri tala í ljósopi er betri en hærri þegar þú vilt taka myndir við lélegt birtuskilyrði.

Þrífótur

Þrífótur er mikilvægur til að að ná góðum myndum, sérstaklega ef þú ert að taka myndir í lélegum birtuskilyrðum.

Góð ráð fyrir byrjendur

Handvirk stilling

Lærðu á handvirku stillingarnar sem myndavélin bíður upp á. Ef þú notar sjálfvirka stillingu (e. auto) á kvöldin, er líklegt að þú hækkar ISO stillingar sem eykur truflanir í myndum (e. noise).

RAW ljósmyndir

Ef myndavélin bíður upp á það, stilltu hana þannig að myndir vistast sem RAW skjöl. Þetta gefur þér möguleika að vinna meira í myndunum eftir á, stjórn á birtustigi, litum og white balance.

Stöðuleiki

Með því að nota þrífót færðu skarpari myndir. Prófaðu þig áfram í myndatöku og lærðu að finna út réttar staðsetningar fyrir frábærar myndatökur.