Sous Vide Creme Brulee uppskrift

Creme brulee hefur alltaf verið vinsæll eftirréttur en margir sem hafa ekki lagt í að gera hann heima frá grunni. Það er alger óþarfi að mikla það fyrir sér, þetta er í raun sára einfalt!

Með Sous Vide aðferðinni færðu fullkominn Creme brulee – alltaf!

Hráefni:

• Eggjarauður úr 4 stórum eggjum (80g)

• 300ml rjómi

• 45g sykur

• örlítið salt

• Valkostur: 1 vanillustöng (mæli með!)

Áhöld:

• Sous Vide tæki

• Pottur eða plastbox fyrir vatnsbaðið

• Krukkur með loki (4-6)

• Brennari

Aðferð:

• Stilltu Sous Vide tækið á 80°C (Ef þú ert með Anova getur þú fundið uppskriftina í appinu.

• Blandaðu saman eggjarauðum, sykri, rjóma og salti*. Hrærðu því vel saman og notaðu sigti til að fjarlægja loftbólur. *Ef þú vilt búa til vanillu Creme Brulee getur þú bætt við fræjum úr einni vanillustöng

• Helltu blöndunni í krukkur.

• Settu krukkurnar í vatnsbaðið. Leyfðu þeim að vera í vatnsbaðinu í 1 klst við 80°C.

• Eftir klukkustund fjarlægir þú krukkurnar úr vatnsbaðinu og setur á ís til að kólna í 2 klukkustundir.

• Stráðu sykri yfir og notaður brennara til að brenna sykurinn.

Heimild: www.anovaculinary.com | Höfundur: Wook Yoo Yong