Asus ROG Falchion leikjalyklaborðið er bæði mínimalískt og stílhreint en einnig útbúið RGB baklýsingu. Lyklaborðið getur tengst tölvu þráðlaust með ROG SpeedNova tækni í gegnum USB móttakara til þess að veita þráðlausa tengingu án þess að fórna viðbragðshraða. Einnig tengist lyklaborðið allt að þrem tækjum í einu með Bluetooth sem gerir þér kleift að t.d skipta milli Windows og MacOS hiklaust. Einnig er hægt að tengja beint með USB snúru.

ROG RX Low-Profile Red rofar
Lyklaborðið er með low-profile rofa sem eru með aðeins 1.0 mm virkjunarpunkt. Þeir eru tilvaldir fyrir þá sem vilja nota lyklaborðið fyrir tölvuleiki og að skrifa. Rofarnir eru línulegir og hljóðlátir en til að koma í veg fyrir að ýtt sé á þá óvart þarf að minnsta kosti 40 gf til þess að virkjast og hámarkast í 55 gf.

Forritanlegir takkar

Fáðu forskot á andstæðinginn með stillanlegum macro og öðrum stillingum með Armoury Crate hugbúnaðinum. Í áköfum leikjum getur hvert sekúndubrot skipt máli, stilltu lyklaborðið og skiptu um vopn eða notaðu rétta galdurinn á réttum tíma. Lyklaborðið er með minni fyrir macros þar sem að hægt er að vista allt að sex stillingar á lyklaborðinu og nota hvar sem er og hvenær sem er.

RGB lýsing og LED skjár
Hver og einn takki er með sérstilla lýsingu. Hægt er að velja allt að 16.7 milljón liti og stilla hvaða ljósamynstur sem er með Aura Sync í Armoury Crate hugbúnaðinum. Einnig er lyklaborðið með LED skjá sem hægt er að stilla í Armoury Crate fyrir hinar ýmsu aðgerðir.

Aðrir eiginleikar

• Spilaðu yfir 430 tíma samfleytt
• USB-C
• Ferðahulstur fylgir