Blackview PlayPop 8 leikjatölva breytir stofunni í leikvöll. Þú tengir hana við sjónvarp, skjá eða skjávarpa með HDMI-snúru, tengist Wi-Fi og stígur fram fyrir myndavélina. Engir stýripinnar eru nauðsynlegir, því líkaminn er stýripinninn.

Hreyfistýring með gervigreind
12 MP myndavél og gervigreind fylgjast með 17 punktum á líkamanum og breyta hreyfingum þínum í stjórnun í leiknum. Allt að fjórir spilarar geta spilað hlið við hlið á sama skjánum. Valmyndum er stýrt með handahreyfingu og fjarstýring fylgir með.

Leikir
Leikirnir skiptast í sex flokka og nýir leikir bætast reglulega við. Fimm leikir fylgja frítt og fleiri leikir fást með PlayPop GamePass áskrift til 3 eða 12 mánaða.

Öryggi og friðhelgi
Myndavélin er með innbyggðri hlíf sem lokar fyrir linsuna. Engar auglýsingar eru í leikjatölvunni og ekkert efni ætlað fullorðnum.

Vélbúnaður
Rockchip RK3576 átta kjarna örgjörvi, 8 GB vinnsluminni og 128 GB geymslupláss. Myndin fer í sjónvarpið í allt að 4K-upplausn við 60 ramma á sekúndu og leikjatölvan tengist með Wi-Fi 6 og Bluetooth 5.0. Hugbúnaðurinn uppfærist þráðlaust.

Lítil og meðfærileg
Teningslaga leikjatölvan er 7,6 cm á hvern kant og vegur 343 g, svo auðvelt er að færa hana á milli sjónvarps, skjás og skjávarpa. Hún þarf 15 W (5 V/3 A) hleðslukló sem fylgir ekki með.

Helstu eiginleikar:

• Hreyfistýring með 17 punkta líkamsgreiningu
• Allt að 4 spilarar í einu
• 12 MP myndavél með hlíf
• 4K@60 Hz í gegnum HDMI
• Rockchip RK3576 átta kjarna örgjörvi
• 8 GB vinnsluminni, 128 GB geymslupláss
• Wi-Fi 6, Bluetooth 5.0
• 7,6 x 7,6 x 7,6 cm, 343 g

Í kassanum:

• Blackview PlayPop 8
• Fjarstýring
• HDMI-snúra
• USB-snúra
• Leiðbeiningar og ábyrgðarskírteini