Berjist gegn herfylkjum óvina í óskertri sögu fangelsunarstríðsins

Heyið stríðið um Hyrule til forna! Stígðu út á vígvöllinn sem Zelda prinsessa, Rauru konungur og aðrar goðsagnakenndar hetjur þegar þú berst fyrir því að endurheimta heimaland þitt – og upplifðu söguna af innrás djöflakonungsins Ganondorfs sem aðeins var minnst á í The Legend of Zelda™: Tears of the Kingdom.

Helstu eiginleikar:

• Berjist við hlið nýrra og frægra hetja til að verja Hyrule gegn djöflakonungnum. Zelda prinsessa er ekki ein í þessu stríði! Gakktu til liðs við Mineru, vitringana og glænýjar hetjur í bardögum gegn hersveitum Ganondorfs. Sameinaðu öflug Zonai-tæki og einstaka hæfileika hetjanna til að sigra volduga yfirmenn og herfylki fylgismanna þeirra.

• Spilaðu með vini í staðbundinni samvinnuspilun fyrir tvo með skiptum skjá eða GameShare. Þegar þú spilar með vini getið þið dreift ykkur til að ná yfir stærra svæði á meðan stríðið geisar – eða haldið saman og sameinað krafta ykkar til að yfirbuga óvininn. Spilið með skiptum skjá á einni leikjatölvu eða á tveimur aðskildum kerfum með GameShare* – aðeins einn þarf þó að eiga leikinn.

• Notaðu hvaða amiibo™ sem er úr The Legend of Zelda-seríunni til að fá auka hluti. Skannaðu hvaða amiibo-fígúru sem er úr The Legend of Zelda-seríunni til að fá verðlaun í leiknum, þar á meðal föndurefni og aðra hluti sem geta komið að gagni í því verkefni að sigra djöflakonunginn!

• Notaðu vistuð gögn úr Hyrule Warriors: Age of Calamity eða The Legend of Zelda: Tears of the Kingdom til að fá aukavopn. Ef þú ert með vistuð gögn úr Hyrule Warriors: Age of Calamity á kerfinu þínu þegar þú spilar færðu High Guard's Claymore. Ef þú ert með vistuð gögn úr The Legend of Zelda: Tears of the Kingdom færðu High Guard's Sword. Hægt er að leysa þessi vopn úr læðingi eftir að hafa snúið aftur á Hyrule-kortið að loknu verkefninu The Howling Tempest.