Skelltu þér á völlinn í sprengifullum hasar í nýjasta Mario Tennis-leiknum!

Slástu í hóp með Mario og vinum hans í stórkostlegri tennisvitleysu! Notaðu yfirsnúning, undirsnúning, lobbur og önnur kunnugleg högg – ásamt fínni fótavinnu og nýjum varnaraðgerðum – til að yfirbuga andstæðinga þína á vellinum. Haltu einvíginu gangandi, fylltu Fever-mælinn og leystu úr læðingi öflug Fever-högg sem hægt er að magna upp með sérstökum áhrifum með því að útbúa sig með Fever-spaða!

Frystu völlinn með ísspaðanum, kallaðu fram sveppi sem minnka andstæðinga með Mini Mushroom-spaðanum, tvöfaldaðu þig með skuggaspaðanum og fleira. Blandaðu saman 30 mismunandi Fever-spöðum og 38 spilanlegum persónum, þeim flestum í sögu seríunnar, til að finna leikaðferð sem hentar þér.

Spilaðu afslappað eða kepptu í ýmsum leikjastillingum

Fáðu lýsingu á leiðinni frá talandi blómi í Tournament-stillingu, prófaðu færni þína og kláraðu ýmis markmið í Trial Towers-stillingu eða taktu þátt í leikjum með óvæntum reglum – og jafnvel nokkrum Wonder-áhrifum – í Mix it Up-stillingu. Farðu á netið í afslappaða leiki með sérsniðnum reglum í Online Room eða kepptu um frægð í Ranked Matches. Þú getur jafnvel sveiflað Joy-Con 2-fjarstýringunni varlega eins og spaða fyrir raunverulegri upplifun í Swing-stillingu.

Upplifðu sögu þar sem Mario og vinir hans, sem hitta skrímsli á afskekktri eyju, breytast í ungbörn! Hjálpaðu þeim að læra tennishæfileika sína aftur og sigra skrímslin til að verða eðlileg á ný í Adventure-stillingu.