Marvel's Wolverine er hasarleikur frá Insomniac Games, hinum margrómaða framleiðanda Marvel's Spider-Man-leikjanna. Leikurinn er þróaður í samstarfi við Marvel Games og býður upp á alveg nýja, frumsamda sögu byggða á hinni goðsagnakenndu myndasögupersónu. Logan hélt að hann væri hættur að vera Wolverine, en fortíðin var ekki hætt með hann.

Þremur árum eftir að hafa yfirgefið lið sitt gengur Wolverine aftur til liðs við stökkbreytta herliðið Team X á þeirra dimmustu stundu. Bolivar Trask, knúinn áfram af ofstækisfullri trú sinni á yfirburði mannkyns, rænir stökkbreyttum. Aðeins Wolverine hefur það sem þarf til að bjarga þeim. Í baráttunni fyrir framtíðinni verður Wolverine að vinna með öðrum stökkbreyttum um allan heim á stöðum eins og Kanada, Japan og Marvel-eyþjóðinni Madripoor. Þar sem örlög bæði manna og stökkbreyttra hanga á bláþræði veit Logan að heimurinn þarfnast hetju – en hann verður að láta sér Wolverine nægja.

Spilaðu sem Wolverine.
Yfirbugaðu óvini með sprengikrafti og slepptu lausum hárbeittum adamantium-klóm til að gera hraðar, flæðandi árásir og sigrast á óyfirstíganlegum hindrunum. Þróaðu þig með einstökum, útskiptanlegum aðferðum og aðlögunum til að laumast að, leggja í fyrirsát eða yfirbuga óvini, allt frá Reavers-málaliðum Bolivars Trask til þekktra illmenna eins og hins hrottalega Omega Red. Byggðu upp árásargjarnan skriðþunga til að ná Rage og útrýma andstæðingum, því það sem hann gerir er ekki sérlega fallegt.

Frumsamin, tilfinningaþrungin saga
Undir hrjúfu yfirborði og ofsafengnu skapferli Wolverines er maður sem berst fyrir málstað sem er stærri en hann sjálfur. Stökkbreyttir standa frammi fyrir útrýmingarhættu og hann er þeirra besta von. Horfstu í augu við dimma fortíð og upplifðu tilfinningaþrungna sögu sem knúin er áfram af sjálfsmynd, tryggð og innri baráttu við að afhjúpa sannleikann um gleymda fortíð Wolverines.