Sanohra Fly eyrnatappar draga úr verkjum vegna þrýstingsbreytinga í eyrum við flug.

Þessi tegund er "regular" stærðin fyrir fullorðna.

Notkunarleiðbeiningar

Fyrir flugtak

Ef þú hefur áður fundið fyrir þrýstingi í eyrum eða eyrnaverk á meðan á flugtaki og klifri stendur, mælum við með því að þú setjir Sanohra fly eyrnatappana í eyrun áður en flugtak hefst og hafir þá í eyrunum í að minnsta kosti 30 mínútur eftir flugtak. Á þeim tíma hefur flugvélin náð flughæð og þrýstingurinn í farþegarýminu verður stöðugur.

Fyrir stutt flug, sem vara skemur en 1 og 1/2 tíma, mælum við með að þú hafir eyrnatappana í eyrunum allan tímann, þar sem þeir draga einnig úr hávaða og bæta þannig ferðaupplifunina.

Fyrir lendingu

Settu eyrnatappana í u.þ.b. 45 mínútum áður en lending er áætluð, því loftþrýstingurinn í farþegarýminu hækkar ört þegar flugvélin byrjar að fara niður.