Satechi EX3 Slim er glæsilegt þráðlaust lyklaborð í fullri stærð sem er hannað fyrir þægileg og skilvirk vinnubrögð, hvort sem unnið er á skrifstofu eða heima. Lyklaborðið sameinar hljóðláta og nákvæma innsláttarupplifun, fjölhæfa tengimöguleika og nútímalega hönnun sem hentar jafnt við Mac- og Windows-tölvur.

Tengdu allt að fjögur tæki
Satechi EX3 Slim gerir þér kleift að tengjast allt að þremur tækjum með Bluetooth 5.3 og fjórða tækinu með meðfylgjandi 2,4 GHz USB-C móttakara. Með sérstökum flýtilyklum er auðvelt að skipta á milli tenginga á örfáum sekúndum, sem hentar vel þegar unnið er á fleiri en einu tæki yfir daginn. Með einföldum rofa er hægt að velja á milli macOS og Windows. Lyklaborðið aðlagar þá sjálfkrafa lyklavirkni og flýtilykla þannig að vinnuflæðið helst eðlilegt óháð því hvaða stýrikerfi er notað.

Full stærð fyrir meiri afköst
Lyklaborðið er í fullri stærð og er búið sérstöku talnaborði ásamt stýrihnöppum sem auðvelda gagnainnslátt, töfluvinnu, ritvinnslu og önnur dagleg verkefni. Það hentar jafnt fyrir skrifstofustörf, skapandi vinnu og almenna tölvunotkun.

Þægilegur og hljóðlátur innsláttur
Lágir skærarofar (e. Scissor Switch) veita nákvæma og mjúka snertingu með hljóðlátari innslætti en hefðbundin lyklaborð. Lág hönnun stuðlar að þægilegri handstöðu og gefur lyklaborðinu fágað og nútímalegt útlit sem passar vel á hvaða skrifborð sem er.

Löng rafhlöðuending
EX3 Slim notar endurhlaðanlega og útskiptanlega AA-rafhlöðu sem endist í allt að fimm vikur á einni hleðslu. Lyklaborðið er hlaðið með USB-C og hönnunin gerir ráð fyrir einföldum rafhlöðuskiptum til framtíðar í samræmi við væntanlegar evrópskar kröfur um útskiptanlegar rafhlöður.

Helstu eiginleikar

• Tengist allt að fjórum tækjum samtímis
• Þrjár Bluetooth 5.3 tengingar og ein 2,4 GHz tenging með USB-C móttakara
• Lyklaborð í fullri stærð með talnaborði og stýrihnöppum
• Hljóðlátir, lágir skærarofar (e. scissor switch)
• Skiptir samstundis á milli Mac- og Windows-stillinga
• Endurhlaðanleg og útskiptanleg rafhlaða með allt að fimm vikna endingu
• USB-C hleðsla
• Íslenskt lyklaborðssnið
• Mál (L × B × H): 42,64 × 11,93 × 1,67 cm
• Þyngd: 552 g
• Samhæfni: macOS, iOS/iPadOS, Windows, Android og ChromeOS

Hvað er í kassanum?

• Satechi EX3 Slim þráðlaust lyklaborð – með íslensku lyklaborðssniði
• USB-C í USB-C hleðslusnúru (0,8 m)
• 2,4 GHz USB-C móttakari
• Flýtileiðbeiningar