Scolia Home 2 er háþróaður greiningarbúnaður fyrir pílu sem býður upp á nákvæma og hraða skráningu í pílukasti. 

Myndavélar greina leikinn
Scolia Home 2 spjaldið er með 3 myndavélum sem greina pílurnar og hvar þær lenda í rauntíma til að birta stigagjöfina.

Endalaus skemmtun heima
Með tækinu koma ýmsir innifaldir leikir sem hægt er að spila, eins og 501 og 301, Cricket, Around the World, Shanghai og fleira. Með Scolia appinu er hægt að spila þessa leiki á netinu við aðra andstæðinga sem eiga líka Scolia spjald, eða ef þú ert einstaklega vel að þér í pílu, þá geturu keppt í alþjóðlegum mótum heima.

Besti tengimöguleikinn
Við mælum með því að tengja Scolia Home 2 spjaldið sjálft beint við netbeini með LAN snúru. Þannig færðu stöðugra og hraðara samband, minni töf í gagnaflutningi og áreiðanlegri virkni kerfisins. Scolia Home 2 styður einnig þráðlausa WiFi tengingu. Hafa skal í huga að gæði WiFi netsins getur haft áhrif á frammistöðu kerfisins.

Ath. píluspjald og öryggishringurinn (svart) á myndinni fylgir ekki með.

Scolia Fliq SCOLIASCFQ kaupauki fylgir með Scolia Home 2

ATH kaupauki gildir á meðan birgðir endast

Scolia Fliq SCOLIASCFQ er framvísandi myndavél, hönnuð fyrir Scolia Home 2. Hún gerir netleiki lifandi með því að sýna bæði þig og mótherjann meðan á leik stendur. Þannig færist stemningin nær því að spila augliti til auglitis, þó svo að leikmenn séu á ólíkum stöðum.

• „Face-to-Face“ netspilun í rauntíma: Þegar þú spilar við einhvern í hinum enda vallarins (eða hinum megin á hnettinum) sérðu andstæðinginn þinn og hann sér þig í beinni útsendingu á skjánum meðan á leik stendur.
• Aukið traust og gegnsæi: Í netpílu hefur stundum borið á því að fólk fari yfir línuna (oche) eða svindli á annan hátt. Fliq sýnir nákvæmlega hvar spilarinn stendur og hvernig hann kastar.
• Greining á eigin tækni: Margir píluspilarar nota Fliq líka til að skoða eigin leik aftur í myndbandi – sjá líkamsstöðuna, hvernig fótastaðan breytist undir pressu og hvernig sveiflan á hendinni er.
• Einföld uppsetning (Plug-and-Play): Myndavélin er hönnuð þannig að hún smellur beint neðan á efsta arminn á Scolia Home2 og tengist með snúru í fjórða USB-tengið á tölvunni.
• Persónuvernd í fyrirrúmi: Myndavélin kveikir aðeins sjálfkrafa á sér þegar netleikur hefst og slekkur á sér um leið og honum lýkur. Grænt LED-ljós sýnir greinilega hvenær hún er í gangi. (Athugið að það er ekki hljóðnemi í henni, hún sendir aðeins mynd).