Time's up! Fjölskyldu

Skemmtilegt og einfalt spurningaspil fyrir fjölskylduna. Spilað er í liðum þar sem þú lýsir fyrir liðsfélögum þínum orðinu sem er á spilinu.

Fyrsta umferð

Spilum er deilt í stokk á milli leikmanna. Veljið hvaða lið byrjar og þá hefst 40 sekúndna niðurtalning. Þú lýsir orðinu á spilinu þínu á meðan liðsmennirnir giska þar til að orðið er fundið eða tíminn rennur út. Þannig er farið í gegnum stokkinn þar til engin spil eru eftir.

Önnur umferð

Spilin úr síðustu umferð eru stokkuð. Fyrirkomulag umferðarinnar er eins fyrir utan að núna má aðeins segja eitt orð til að lýsa orðinu á spilinu og liðið má aðeins giska einu sinni.

Þriðja umferð

Spilin eru aftur stokkuð. Núna má aðeins gefa vísbendingar um orðið á spilinu með látbragði.

Í lokin

Liðið sem giskaði rétt á flest spilin yfir umferðirnar þrjár sigrar spilið.