Berjist fyrir lífi ykkar á meðan þið skoðið dularfullan heim á framandi plánetunni Mira í Xenoblade Chronicles X: Definitive Edition. Upplifið hið margrómaða, epíska vísindaskáldsögu-hlutverkaleikjaævintýri með endurbættu myndefni, nýjum söguþáttum og fleiru!

Árið er 2054, jörðin hefur verið eyðilögð í stríði milli tveggja geimveruhópa og framtíð mannkyns hangir á bláþræði. Lítill hópur eftirlifenda um borð í USS White Whale brotlendir á hinni fögru en óbyggilegu plánetu Mira. Nú er það undir ykkur komið, sem hluti af BLADE-samtökunum, að reyna að bjarga mannkyninu frá útrýmingu.

VELKOMIN TIL MIRA
Mira er fögur en óbyggileg pláneta með víðáttumiklum höfum, stórum grassléttum, gnæfandi fjöllum, framandi frumskógum og fleiru. Hver heimsálfa geymir sín eigin leyndarmál sem bíða þess að verða uppgötvuð, en þar leynast líka ýmsar hættur fyrir þá sem þurfa að kanna svæðin. Þið fáið að kanna opinn og samfelldan heim sem spannar víðáttumikil svæði, hvert með sínu einstöku vistkerfi sem iðar af lífi. Þið munuð einnig rekast á risavaxin dýr sem þarf að sigra til að fá verðmætar auðlindir fyrir ferðalagið fram undan.

TILBÚIN Í BARDAGA
Veljið úr ýmsum sérstökum árásum og einstökum hæfileikum, auk þess hvaða flokka mismunandi persónur í liðinu ykkar munu hafa. Þið fáið aðgang að yfirgripsmiklu bardagakerfi sem styður fjölbreytta leikstíla. Þegar þið hafið sannað ykkur verðið þið hluti af BLADE-samtökunum og fáið ykkar eigið „Skell“ – öfluga vél sem getur flogið, breyst í farartæki og sigrað óvini með yfirþyrmandi krafti.

BYGGIÐ UPP NÝLENDUNA NEW LOS ANGELES
Þegar þið hjálpið til við að endurbyggja nýlenduna kynnist þið líka fólkinu sem þar býr betur og getið hjálpað því að leysa vandamál sín. Þetta gefur ykkur einnig tækifæri til að byggja upp sambönd milli liðsfélaga ykkar til að opna fyrir ný verkefni sem veita sjaldgæfan búnað og önnur verðlaun. Þið veljið hvaða herdeild BLADE þið viljið vera hluti af og þannig getið þið opnað fyrir enn fleiri verkefni. Þið getið jafnvel tekið ykkur saman með allt að 31 öðrum spilara á netinu í „Squad Tasks“-ham, klárað „Online Missions“ og ef þið viljið alvöru áskorun er „Global Nemesis Battles“-hamurinn til staðar!


*Krefst Nintendo Switch Online-aðildar (seld sér) til að fá aðgang að fjölspilun á netinu.