Xiaomi UltraThin ferðahleðslan festist með segli við samhæfa síma og hleður þá þráðlaust án snúru. Þráðlaus hleðsla er allt að 15 W fyrir samhæf Xiaomi-tæki og allt að 7,5 W fyrir iPhone.

USB-C tengið styður allt að 22,5 W hleðslu og einnig er hægt að hlaða tvö tæki samtímis með USB-C tenginu og þráðlausri hleðslunni. Þá er hámarksaflið 7,5 W um USB-C og 5 W þráðlaust.

Ferðahleðslan er með 5.000 mAh rafhlöðu og er 98,5 × 71,5 × 6 mm að stærð og 98 g að þyngd. Ytra byrðið er úr álblöndu og tvöföld NTC-hitastýring ásamt innbyggðum öryggisvörnum ver gegn meðal annars ofhitnun, yfirhleðslu, skammhlaupi og aðskotahlutum.

Ferðahleðslan er undir 100 Wh og því leyfileg í handfarangri samkvæmt almennum flugreglum. Til að tryggja rétta segulfestingu þarf samhæfan síma eða segulhulstur; hulstur yfir 2,5 mm geta dregið úr tengingu og afli.

Samhæfni
Ferðahleðslan festist beint við iPhone 12 og nýrri iPhone-gerðir sem styðja MagSafe og hleður þær með allt að 7,5 W. Hún virkar einnig með völdum Xiaomi-, Samsung Galaxy- og Google Pixel-símum. Sum Android-tæki þurfa sérstakt segulhulstur til að ferðahleðslan haldist föst við símann.