Stór heimilistæki
Heimilistæki
Hljóð og mynd
Símar og úr
Tölvur
Gaming
Snúrur og rafmagn
Snyrting og heilsa
Snjallheimili
Áhugamál og farartæki
Unaðsvörur
Umhverfisstefna ELKO
ELKO er leiðandi fyrirtæki á íslenskum raftækjamarkaði og tekur ábyrgð sína á sviði umhverfismála alvarlega. ELKO er með skráða umhverfisstefnu sem nær til allrar starfsemi fyrirtækisins með það að markmiði að draga úr álagi á umhverfið og að umhverfissjónarmið séu höfð að leiðarljósi í daglegum rekstri. Markmið ELKO er að lágmarka áhrif starfsemi sinnar á umhverfið en í því felst mikill umhverfislegur ávinningur. ELKO leggur áherslu á að flokka, endurvinna og endurnýta eins mikið og mögulegt er.
ELKO er annt um umhverfið
ELKO dregur úr álagi á umhverfið sem hlýst vegna raftækjaúrgangs sem fellur til vegna smásölu sem og af annarri losun beint frá rekstri. Með fræðslu og þjálfun upplýsir ELKO bæði viðskiptavini og starfsfólk um hvernig hægt er að hlúa að umhverfinu fyrir komandi kynslóðir. Markmið ELKO er að draga úr kolefnisspori sínu og hefur fyrirtækið skuldbundið sig með loftlagsyfirlýsingu Reykjavíkurborgar og Festu til að draga úr losun gróðurhúsalofttegunda og myndun úrgangs með því að setja sér mælanleg markmið til framtíðar.
Framtíðarsýn ELKO
Framtíðarsýn ELKO er að fyrirtækið sé leiðandi í hringrásarferli raftækja á Íslandi, þá með sérstaka áherslu á að gömul raftæki rati inn í hringrásarhagkerfið í formi fræðslu og fjárhagslegra hvata til viðskiptavina. Þannig stuðlar ELKO bæði að lengri líftíma raftækja ásamt því að þau tæki sem fara í endurvinnslu séu endurunnin eftir ítrustu stöðlum sem tryggir að sjaldgæfir málmar og aðrir íhlutir rati rétta leið í endurvinnsluferlinu.
Viðurkennt kerfi Klappa
ELKO skráir öll töluleg gögn tengt umhverfi, félagslegum þáttum og stjórnarháttum í kerfið Klappir. Úr kerfinu fá stjórnendur svo mælaborð og tölulegar upplýsingar til að sjá beint stöðuna varðandi markmið hverju sinni.
Laufið
ELKO hefur farið í gegnum stjórnkerfi Laufsins. Laufið er stafrænn vettvangur þar sem íslensk fyrirtæki geta hagnýtt sér verkfæri í vegferð að sjálfbærari fyrirtækjarekstri, samfélagslegri ábyrgð og baráttu við loftslagsvána. ELKO hefur skráð þau grænu skref sem hafa verið tekin sem og aðra lykilþætti í rekstrinum í Laufið sem eru fimmþætt: flokkun, umhverfisstefna, loftslagsáhrif, miðlun þekkingar og vistvænni innkaup. Sjá nánar hér
Átak í endurvinnslu
Í anddyri verslana ELKO er að finna endurvinnsluskápa þar sem viðskiptavinir geta komið með smærri raftæki, snúrur, farsíma, fartölvur, rafhlöður, flúrperur og fleiri vörur. ELKO tryggir að þeim sé komið í ábyrgt endurvinnslu- eða hringrásarferli. sjá nánar hér
ELKO greiðir sérstakt gjald til Úrvinnslusjóðs vegna innflutnings raftækja, sem tryggir ábyrga og örugga förgun að loknum líftíma tækjanna án aukagjalds. Úrvinnslusjóður sér um umsýslu og ráðstöfun úrvinnslugjalds með það að markmiði að skapa hagræn skilyrði fyrir endurnýtingu úrgangs og endanlega förgun spilliefna.
Hringrásarhagkerfi raftækja
ELKO leggur áherslu á að koma notuðum raftækjum aftur í hringrásarhagkerfi raftækja. Á það bæði við um vörur sem er skilað í verslunina og seldar aftur á lækkuðu verði sem og gömul raftæki sem ELKO kaupir af viðskiptavinum og kemur áfram í hringrásarhagkerfi raftækja. Tækin eru ýmist yfirfarin og endurnýtt eða endurunnin eftir ástandi tækjanna. Þau tæki sem eru endurnýtt rata svo áfram inn á aðra markaði þar sem þau fá framhaldslíf. Sjá nánari upplýsingar hér.
Ecovadis sjálfbærnimat birgja
ELKO hefur innleitt Ecovadis sjálfbærnimat á birgjum í gegnum vörumerkjasamning sinn við Elkjöp. Ecovadis er alþjóðlegt vottunarfyrirtæki sem vinnu kerfisbundið að því að votta fyrirtæki fyrir sjálfbærnivinnu þeirra sem samanstendur af frammistöðu þeirra á umhverfi, siðferði og samfélagslegri ábyrgð. EcoVadis fylgist með birgjum Elkjop og metur starfshætti þeirra til að tryggja að vara sé framleidd á sjálfbæran og siðferðislegan hátt við góðar umhverfis- og vinnuaðstæður. Sjá nánar hér
Samfélagsskýrsla ELKO
ELKO gefur árlega út samfélagsskýrslu þar sem loforð fyrir tækisins "Það sem skiptir þig máli skiptir okkur máli" er haft að leiðarljósi varðandi samfélagsleg og umhverfisleg sjónarmið ELKO. Sem hluta af samfélagslegum áherslum höfum við valið að vinna í anda þeirra fimm heimsmarkmiða sem við teljum að snerti hvað mest kjarnastarfsemi félagsins. Sjá nánari upplýsingar um samfélagsskýrslu ELKO hér.
